Форум за Незалежнасьць

Форум за Незалежнасьць яднае аматараў і экспэртаў у справе выпрацоўкі канцэпцыі беларускай дзяржаўнасьці й незалежнасьці. Форум мадэруе Інстытут Дзяржаўнасьці й Дэмакратыі.

Вы не ўвайшлі.

#1 2009-06-09 00:23:55

admin
Вядоўца
Зарэгістраваны: 2008-01-24
Паведамленьняў: 87

Kalininhradzkaja vobłaść RF - Damokłavy mieč nad Biełarusiaj

(z nahody artykułu ŭ "The Daily Telegraph")

"Russia wheels out the evil weapon of history" . - The Daily Telegraph - Telegraph.co.uk © 2009

"Are the Russians trying to tell us something? Is Russia about to make a demand for a land corridor through Poland to Kaliningrad, for the same reasons that Hitler sought one to Danzig 70 years ago? If so, is Russia intending to argue that the denial by Poland of land access to Königsberg could provoke a big international fight, and possibly terrible destruction, and that it would be Poland's fault for not giving into a "modest" demand?"

Za časam Jelcyna ŭ Rasiei farmulavalisia raznastajnyja prajekty ŭparadkavańnia situacyju adnosna Kaliningradzkaj akruhi... Na ŭroŭni namieśnika rasiejskaha Pramjera razhladalisia navat varyjanty ab vyłučeńni Kaliningradzkaj vobłaści z Rasiejskaj Federacyi dy nadańni joj statusu „zamorskaj terytoryi” - z dalejšym uklučeńniem jaje ŭ ekanamičnuju dy praŭnuju (i navat vizavuju) prastoru Eŭrapejskaha Źviazu, pry zachavańni tolki mižnarodna-praŭnaha suverenitetu RF. Adnak časy źmianilisia, i mierkavanyja prajekty adnosna Kaliningradzkaj akruhi stali nabyvać pahroźlivyja abrysy.

Pišučy 6 lipienia ŭ adnoj z najbujniejšych hazet u Vialikaj Brytanii „The Daily Telegraph”, Simon Heffer, stały viadučy rubryki hazety, vyłučaje dumku ab mahčymaści taho, što za apošnimi skandalnymi publikacyjami pad ehidaju Ministerstva Abarony RF moža miaścicca dalokasiažny namier rasiejskich vajenna-palityčnych elitaŭ: zapatrabavać ad Polšcy (albo Litoŭskaj Respubliki, abo ad abiedzviuch?) „terytaryjalny kalidor” dla Rasiei ŭ Kaliningradzkuju vobłaść - analahična zapatrabavanamu Hitleram u 1939 h. ad Polščy „Danzigskaha kalidoru” dla nacysckaha Reichu.

Čamu-ž, možna było zapytać, z uvahi na heahrafuju, u hetaj suviazi nia zhadvajecca Biełaruś?..
A nia zhadvajecca peŭna z pryčyny, što, akurat z uvahi na heahrafuju, los Biełarusi vyhladaje zanadta adnaznačna pry lubym raźvićci padziejaŭ u hetym kirunku,  hetak što j pytańni tut chiba što nie patrebnyja:
• Bo pa-peršaje vidavočna, što dostup Rasiei da Kaliningradzkaj vobłaści (kali nie razhladać varyjant praz Łatviju i Lit. Resp., hl. nižej) prosta nia moža abminuć terytoryi Biełarusi - niezaležna ad taho, ci to stvarać sam „kalidor” za košt polskaj terytoryi, ci to za košt terytoryi Litoŭskaj Respubliki.
• Dy pa-druhoje, navat pry najvastrejšym raźvićci padziejaŭ, nievierahodnaj ujaŭlajecca prostaja akupacyja Rasiejskaj Federacyjaj terytoryi krainaŭ-čalcoŭ NATO. Heta značyć, što j pry samym dramatyčnym scenary Rasieja mahła-by zapatrabavać „hetki kalidor” - pad ciskam dy pahrozaju siły - praz abmien terytoryjau. Ale jak nijakaje supolnaje miažy (a hetak, terytoryjaŭ dla abmienu), akramia ŭ samoj Kaliningradzkaj akruzie, RF ni z Litvoj, ni z Polščaj nia maje (što  vykučaje varyjant praz Łatviju, bo tady niama čym „mianaiacca” ź Litoŭskaj Respublikaj) - značyć, dla Rasiei adzinym resursam dla terytaryjalnaja abmienu z Polščaj ci Litoŭskaj Respublikaj mahli-by stać chiba tolki častki sučasnaje Respubliki Biełaruś. A hetak, pry lubym scenary stvareńnia „Kaliningradzkaha kalidoru”, aneksija Biełarusi vyhladaje dla stratehii RF praktyčna pieršym i abaviazkovym krokam, niabchodnaj startavaj pazycyjaj dla luboha dalejšaha scenaru z inšymi „zacikaŭlenymi” dziaržavami.

Adnačasova, z punktu hledžańnia NATO i EZ, isnavańnie niezaležnaj Respubliki Biełaruś mienavita praduchilaje samuju mahčymaść pierachodu Rasiei da nastupnych krokaŭ u realizacyi „Kaliningradzkaha kalidoru”: tych krokaŭ, jakija dalej zakranuli-by niepasredna biaśpieku 1-ho ci 2-ch čalcoŭ samich hetych arhanizacyjaŭ - až da nadychodu „situacyi Artykuła 5 Damovy NATO” (Ahresija suprać adnaho z čalcoŭ jość ahresijaj suprać usich krainaŭ NATO).

Hetak, isnavańnie Kaliningradzkaj vobłaści moža mieć dvaisty ŭpłyŭ na nacyjanalnuju biaśpieku Biełarusi. Z adnaho boku, jaje isnavańnie zaachvočvaje dumku rasiejskich stratehaŭ u kirunku „ŭźjadnańnia” svajoj „adarvanaj” (i stratehična izalavanaj) vobłaści praz „kalidor”: što praktyčna aŭtamatyčna vymahaje i aneksii Biełarusi jak dla metaŭ dostupu, tak i dla ździajśnieńnia terytaryjalnych abmienaŭ. Vidavočna, jakuju śmiarotnuju niebiaśpieku luby taki scenar niasie dla Biełarusi. Z druhoha adnak boku, pakolki niezaležnaść Biełarusi zaminaje razortvańniu rasiejskaj palityki u ahresyŭnym kirunku (patencyjna ŭ napramku sutyknieńnia z krainami NATO) - dla zachodniaj vajenna-palityčnaj supolnaści padtrymka niezaležnaści Biełarusi stajecca stratehična bolš važnaj: u paraŭnańni z tym, kali-by nijakaj „spravy Kaliningradzkaj vobłaści” ŭvohule nie isnavała. Prablema tut adnak vidavočnaja: u sučasnym paradku rečaŭ, mahčymaści EZ i NATO u praktyčnaj padtrymcy niezaležnaści Biełarusi nadta abmiežavanyja - pieradusim, z pryčyny (vajskova-)palityčnaj pazycyi samich panujučych u Biełarusi ŭładaŭ. I heta pavinna być cudoŭna viadoma taksama ŭ Maskvie: dy nadavać adčuvańnie terminovaści ŭ ździajśnieńni takich krokaŭ, varunki dla jakich mohuć paźniej stacca dla RF mienš spryjalnymi.

(Naziralniki mohuć adnak zadacca pytańniem ab niadaŭnuch imklivych „prymirenčych” krokach zachodnich instytucyjaŭ da zhadaha režymu: ci nie źviazanyja jany taksama ź raźvićciom jakichści padziejaŭ, jakim zachodnija instytucyi sprabujuć pieraškodzić, papiaredzić i praduchilić u adnosna blizkaj budučyni?)

Z uvahi na balans hetkich faktaraŭ, u svaim ciapierašnim stanie Biełaruś zrabiła svaju biaśpieku zaležnaj ad hulni vonkavych siłaŭ, nad jakimi jana nia maje nia tolki nijakaha kantrolu, ale i ŭ rašeńniach jakich jana nia maje nijakaha hołasu. U vypadku, kali vajskova-palityčnaje kiraŭnictva Rasiejskaj Federacui zdecydujecca na ŭvasableńnie stratehii „Kaliningradzkaha kalidoru” - nijakija „sajuznyja dziaržavy” ci navat kanfederacyjnyja ŭtvareńni ź Biełarusiaj nia stanuć dla Maskvy pryjmalnym rašeńniem: bo vidavočna, zapatrabujecca adpaviedny terytaryjalny resurs dla takich abmienaŭ, da jakich prastorava-fizyčna možna było-by zmusić Polšču ci Litoŭskuju Respubliku.

Ci nie adzinym racyjanalnym rašeńniem dla biaśpieki Biełarusi - zarukaju ad takoha scenaru - stałasia-by dalučeńnie samoj Biełarusi da systemy kalektyŭnaj biaśpieki NATO. Krainy NATO bo nichto nie aneksuje, dy j perspektyva zapatrabavańnia terytaryjalnaha „kalidoru” ažno ad 2 ci navat 3 siabroŭ NATO adnačasova (zamiest paŭzučaj, pakrokavaj stratehii) - peŭna paŭstrymala-by navat samy šalony palot dumki rasiejskich стратигов.

Siarod mahčymuch vysnovaŭ možna vyłučyć nastupnyja 3:
• Z uvahi na davoli prazrystyja raźliki, dakul prablema Kaliningradzkaj Akruhi nie raźviazanaja kančatkova z punktu hledžańnia Maskvy, datul Rasiejskaja Federacyja budzie supraćdziejničać hipatetyčnamu ŭstupleńniu Biełarusi ŭ NATO, dy imavierna j bolš rašuča, čym analahičnamu kroku Ŭkrainy.
• Pierad perspektyvaju raźvićcia pavodzinaŭ RF u kanfliktnym kirunku, biaśpieka Biełarusi znachodziacca pad pahrozaju z boku vynikaŭ palityki panujučaha ŭ joj siońnia kiraŭnictva dziaržavy (Vaš Suziralnik vybačajecca za banalnaść...)
• Prablema „Kaliningradzkaj akruhi” dla Rasiejskaj Federacyi zastajecca dy zastaniecca aktualnaj: a dla biaśpieki Biełarusi jana maje charaktar „hadzińnikavaj bomby”. Bo luby krok Rasiei ŭ vyrašeńni hetaj prablemy (u t.l. pieradača akruhi ŭ zonu EZ) moža prynieści biełaruskaj niezaležnaści surjoznuju ci navat katastrafičnuju škodu pad tym ci inšym pohladam, kali tolki zahadzia nia budzie realizavanaja systema mižnarodnych preventyŭnych vajskova-palityčnych zachadaŭ. A hetkija zachady ciažka ŭjavić biez jak najchutčejšaha dałučeńnia Biełarusi da adzinaj systemy kalektyŭnaj biaśpieki sa svaimi susiedziami, jakija znachodziacca pad pahrozaju adnolkavych faktaraŭ ryzyki. Bo, z ahulnych nazirańniaŭ, vidavočna-słaboje źviano łancuha zvyčajna pryciahvaje da siabie ŭvahu dy zaachvočvaje ŭdar patencyjnaha napadnika: naklikaje na siabie biadu - dy kłopaty dla susiedziaŭ.

Suziralnik

Offline

 

Board footer

Powered by PunBB
© Copyright 2002–2005 Rickard Andersson